మన పీ వీ జయంతి

చెప్పుకుంటే సిగ్గుచేటు.....ఒక మహా మనిషి మహాభినిష్క్రమణాన్ని కూడా రాజకీయం చేసి, ఆయన శవాన్ని అవమానించారు!

మన నాయకుణ్ణి అవమానిస్తుంటే చూస్తూ ఊరుకున్న తెలుగు నాయకులందరికీ సిగ్గుండాలి.....!

నేడు పి వి జయంతి ... ఢిల్లీలో ఒక స్మారక చిహ్నానికైనా నోచుకోని ఆయన గురించి తలచే అర్హత కూడా ఈ కాంగ్రెసు నాయకులకి లేదు. అన్ని పాపాలనీ పి వి కి అంటగడుతున్నారు! ఆయన ఇప్పటి నాయకుల్లాగా లక్షల కోట్లు మూట కట్టుకోలేదు. అవినీతికి పాల్పడలేదు. స్వంతవారిని అందలాలెక్కించలేదు. దేశం కోసం అలోచించారు ..... దేశం కోసం జీవించారు .... 16 భాషలు అనర్గళంగా మాట్లాడగల దిట్ట. సాహిత్యంలో తనదంటూ ఒక ముద్ర వేసిన పుంభావ సరస్వతి. దేశ భాషలే కాదు, విదేశీ భాషల్లో సైతం ప్రావీణ్యత సాధించి, ఎన్నో రోజులు విదేశాంగ శాఖ మంత్రిగా ఖ్యాతి గడించిన పండితుడు. దేశాన్ని సంస్కరణల బాట పట్టించి, నేటి భారతాన్ని ఇంత సంపదతో తులతూగేలా చేసిన మేధావి. సోనియమ్మ భజన చేసే తెలుగు కాంగ్రెసు నాయకులంతా .... అన్ని పాపాలు ఆయనకి అంటగడుతుంటే చూస్తూ ఎలా ఊరుకుంటున్నరో నాకు అర్ధం కావట్లేదు! ఆయన ఒక తెలుగు వాడు కనుకే ఈ అన్యాయం జరుగుతోంది, అదే ఏ తమిళుడో, గుజరాతీనో, బెంగాలీ నో అయి ఉంటే - ఆకాశానికి ఎత్తే వారు, అలా ఆకాశానికి ఎత్తేవరకూ, ఆ రాష్త్రం వారు ఊరుకునేవారు కాదు. అవునులే - అందరికీ వారి జాతి పై అభిమానం ఉంటుంది, ఒక్క తెలుగు వారికే - తన తెలుగు జాతి పై అస్సలు ప్రేమ ఉండదు ... పైగా అదొక గొప్ప విషయంగా చెప్పుకుంటారు! ఈ రోజు ఇంత బీరాలు పలుకుతున్న తెలంగాణా నాయకులంతా, పీ వీ కి అంత అవమానం జరుగుతుంటే ఊరుకుంటున్నారేం? మొత్తానికి ఆయన చచ్చిపోయి, బ్రతికిపోయారు. లేకుంటే ఈ ఆరోపణలు విని తట్టుకోలేకపోయేవారు! తన శిష్యుడైన మన్మోహన్ సైతం అందరిముందూ ఆయన పేరు ఎత్తుకోలేక పోవడాన్ని చూసి, గుండె ఆగిపోయేదేమో!! నిజమైన దేశభక్తుడు, భూదానం చేసి, పేదలకు ఆస్తి పంచి - మాటలు కాక చేతల్లో ప్రతీ పనినీ చేసి చూపి, ఈ తరం వారు ఇంత హాయిగా బ్రతికేందుకు రాచ బాట వేసిన మా పీ వీ తాతయ్యకి (మా తాతయ్య లా అనిపిస్తారు ఆయన!!)నా ఘన నివాళి! కనీసం ఇప్పుడైనా తెలుగు నేతలు మేల్కొని, ఆయనపై బుఱద చల్లనివ్వకుండా చూసుకుంటే - అదే మనం ఆయనకి ఇచ్చే నిజమైన నివాళి అవుతుంది.

చిన్నారి శ్రీయుక్త

మా చిన్నారి పాప లలితా శ్రీయుక్త పుట్టటం వల్ల కొద్ది కాలంగా బ్లాగులోకానికి దూరంగా ఉన్నాను. ఈ రోజే మా పాపకి మూడో నెల వచ్చింది. మా పాపని అందరూ ఆశీర్వదిస్తారని ఆశిస్తూ - మీ విరజాజి.

అమరవీరులంటే ఎవరు?

బ్రతకడం చాత కాక, బ్రతుకు విలువ తెలీక, అవగాహనా రాహిత్యంతో ప్రాణాలు తీసుకునేవారు అమరవీరులు అవుతారా? తెలంగాణా సాయుధ పోరాటంలో నేలకొరిగిన ఎందరో సామాన్య ప్రజలు అమరవీరులు - వారు కనీసం ధైర్యంగా పరిస్థితులను ఎదుర్కున్నారు. అన్యాయానికి ఎదురు నిలిచారు. సాహసంతో ముందుకు ఉరికారు. వారితో ఈ ఆత్మహత్యా వీరులని పోల్చి, ఆ నిజమైన అమరవీరులని అవమానిచడానికి ఈ జే ఏ సీ నాయకులకి, తెలంగాణా వేర్పాటువాదులకి మనసు ఎలా ఒప్పింది? మన గడ్డపై ఎందరో యోధులు స్వాతంత్ర్యం కోసం ప్రాణాలు అర్పించారు. కానీ ఒక్కరు కూడా పిఱికి తనంతో ఆత్మహత్య చేసుకోలేదు. వారి పేరు చిరస్థాయిగా చరిత్రలో నిలుపుకొని, వారు నిజంగా అమరులైనారు ! నిరాశతో, నిస్పృహతో తమ తనువు చాలించేవారు వీరులెలా అవుతారు? జీవితం ఎంతో విలువైనది. మనకు కావలసింది దక్కకుంటే ఎవ్వరికైనా ఆశాభంగం కలుగుతుంది. అయితే, ఆశలు నెరవేరే మార్గం కోసం ప్రయత్నించాలిగానీ, జీవితాన్ని అంతం చేసుకుంటే ఆశ ఫలిస్తుందా? మన పై ఎన్నో ఆశలు పెట్టుకుని, మనలని పెంచి పెద్ద చేసిన తల్లిదండ్రులు, మనకు చేదోడు వాదోడుగా ఉన్న కుటుంబ సభ్యులు మన మరణంతో ఎంత కృంగిపోతారో ఒక్కసారి ఆలోచిస్తే, ఇలాటి పిచ్చి పనులు ఎవ్వరూ చేయరు. కానీ ఇలా తమని తాము చంపుకొన్న వారికి అమరత్వాన్ని ఆపాదించి అమర వీరులుగా కీర్తించి, హీరోలుగా చిత్రీకరిస్తే, ఇంకెందరు ఆ భావోద్వేగంలో కొట్టుకుపోయి ఆత్మహత్యలు చేసుకుంటారో అన్న కనీస విచక్షణ ఈ నాయకులకి లేదా? తెలంగాణా రాష్ట్రం వస్తే, పోయిన ప్రాణాలు తిరిగి వస్తాయా? మీడియా అంతా చనిపోయిన ఒక విద్యార్ధిని గురించి అంతగా ఘోషిస్తూ ఉంటే - ఇంకెందరు తమ్ముళ్ళూ, చెల్లెళ్ళూ అమరత్వాన్ని పొందుదామని స్ఫూర్తి పొందుతారో వీరికి అర్ధం కాదా? ఇలాటి చావులకి ప్రభుత్వాలు కాదు, వారి మైండ్ సెట్ ని ప్రభావితం చేస్తున్న వేర్పాటు వాదులు, విభజన వీరులు, మీడియా బాధ్యత వహించాలి. మనుషులని చంపే ఉద్యమాలు కాదు - చేతనైతే, మానవీయ విలువలని కాపాడే ఉద్యమాలు మనకి ఇప్పుడు అవసరం. చిన్నారి తమ్ముళ్ళారా, చెల్లెళ్ళారా - చెప్పుడు మాటలు విని, బంగారు భవిష్యత్తుని మీరు మీ చేతులతో నాశనం చేసుకోకండి. మీ చదువులను పాడు చేసుకోకండి. విద్యార్ధి జీవితం ఒకసారి పోతే మళ్ళీ రాదు, మీజ్ఞానాన్ని పెంచుకుని, దేశానికి ఉపయోగపడే పనులు చెయ్యండి. మీ చదువులు పూర్తి చేయడానికి కష్టపడండి, తప్పక తరువాత ఆ కష్టం విలువ మీకు తెలిసి వస్తుంది. చేతనైతే ఒకరినుంచీ మంచి నేర్చుకోండి - అంతే గానీ విద్వేషాలు మనసుల్లో నింపుకోకండి. మన తల్లితండ్రుల కలలు మన ద్వారానే సాకారం అవుతాయని గ్రహించండి. జీవితాన్ని జీవించండి. ఈరోజు మిమ్మల్ని రెచ్చగొడుతున్న ఈ నాయక గణంలో ఒక్కరి పిల్లలు కూడా ప్రాణాలు తీసుకోవడంలేదు - అది గమనించండి. ఆత్మహత్య ఏనాటికీ అమరత్వం కాదని గుర్తెరగండి. రాష్ట్రం వస్తే, పోయిన ప్రాణాలు తిరిగి వస్తాయా? మీడియా అంతా చనిపోయిన ఒక విద్యార్ధిని గురించి అంతగా ఘోషిస్తూ ఉంటే - ఇంకెందరు తమ్ముళ్ళూ, చెల్లెళ్ళూ అమరత్వాన్ని పొందుదామని స్ఫూర్తి పొందుతారో వీరికి అర్ధం కాదా? ఇలాటి చావులకి ప్రభుత్వాలు కాదు, వారి మైండ్ సెట్ ని ప్రభావితం చేస్తున్న వేర్పాటు వాదులు, విభజన వీరులు, మీడియా బాధ్యత వహించాలి. మనుషులని చంపే ఉద్యమాలు కాదు - చేతనైతే, మానవీయ విలువలని కాపాడే ఉద్యమాలు మనకి ఇప్పుడు అవసరం. చిన్నారి తమ్ముళ్ళారా, చెల్లెళ్ళారా - చెప్పుడు మాటలు విని, బంగారు భవిష్యత్తుని మీరు మీ చేతులతో నాశనం చేసుకోకండి. మీ చదువులను పాడు చేసుకోకండి. విద్యార్ధి జీవితం ఒకసారి పోతే మళ్ళీ రాదు, మీజ్ఞానాన్ని పెంచుకుని, దేశానికి ఉపయోగపడే పనులు చెయ్యండి. మీ చదువులు పూర్తి చేయడానికి కష్టపడండి, తప్పక తరువాత ఆ కష్టం విలువ మీకు తెలిసి వస్తుంది. చేతనైతే ఒకరినుంచీ మంచి నేర్చుకోండి - అంతే గానీ విద్వేషాలు మనసుల్లో నింపుకోకండి. మన తల్లితండ్రుల కలలు మన ద్వారానే సాకారం అవుతాయని గ్రహించండి. జీవితాన్ని జీవించండి. ఈరోజు మిమ్మల్ని రెచ్చగొడుతున్న ఈ నాయక గణంలో ఒక్కరి పిల్లలు కూడా ప్రాణాలు తీసుకోవడంలేదు - అది గమనించండి. ఆత్మహత్య ఏనాటికీ అమరత్వం కాదని గుర్తెరగండి.

హైదరాబాదు 1956 లోనే చాలా అభివృధ్ధి చెంది ఉంది

"హైదరాబాదు 1956 లోనే చాలా అభివృధ్ధి చెంది ఉంది - కొత్తగా అభివృధ్ధి చెందినది ఏమీ లేదు" - (హైదరాబాదు కోసం తెలంగాణా వారు చెప్పే పేద్ద అబద్ధం)

అలా అయితే - 1956 తరువాత హైదరాబాదులో పెట్టిన పరిశ్రమలను, విశ్వ విద్యాలయాలను, పాఠశాలలను, కళాశాలలను, ఐ.ఐ.టీ, ఐ.యెస్.బి లాటి ప్రతిష్ఠాత్మక విద్యా సంస్థలను, అనేక కార్యాలయాల ప్రధాన శాఖలను, అలాగే ప్రతీఎ ఒక్క పెద్ద రోడ్డునూ, ఫ్లై ఒవర్ బ్రిడ్జీలనూ - అన్నీ తెచ్చినది సీమాంధ్ర ముఖ్య మంత్రులే కనుక, సీమాంధ్ర కి ఇచ్చేస్తారా? మా తెలుగు లిపి ని మాకు ఇచ్చి తెలంగాణాకి వేరే లిపిని పెట్టుకుంటారా? ఇక్కడ లక్షలు పెట్టి ఇళ్ళు కట్టుకున్న ప్రతీ ఒక్కరికీ ఎంత ఖర్చుపెట్టారో అంత డబ్బు ఇచ్చేస్తారా? ఊరికే మాట్లాడడం సులభం. మీరు కష్ట పడి సంపాదించిన ఆస్థి ఎవరైనా లాగేసుకుంటే - తీసుకొమ్మని ఇచ్చేస్తారా? ఈ రాష్ట్రం అందరిదీ అని అన్ని ప్రదేశాలకీ పరిశ్రమలు తీసుకు వస్తే - తెలంగాణా లో ఉన్నవన్నీ నావి. అని ఈ రోజు మాట్లాడుతున్నారు. అలాగే ఇంతకు మునుపు నిజాం ఏలుబడిలో ఉన్న మహారాష్ట్ర జిల్లాలనీ, కర్ణాటకా జిల్లాలనీ తెలంగాణా రాష్ట్రంలో కలపాలి కదా.... కేవలం ఈ 10 జిల్లాలే విడిపోతే అది సరి అయింది ఎలా అవుతుంది? తెలంగాణా లో ప్రాజెక్టులు కట్టే అవకాశం నిజంగా ఉన్నదా? సముద్ర మట్టానికి ఎత్తులో ఉన్న దక్కను పీఠభూమిలో ఎంతవరకూ డాములు కట్టగలము? తెలంగణా ప్రత్యేక రాష్ట్రం అయిపోతే ఎన్ని లక్షల ఉద్యోగాలు వస్తాయి? చిన్న రాష్ట్రానికి ఎన్ని ఉద్యోగాలు అవసరం? అప్పుడు మరి ఈ ఉద్యమించిన నిరుద్యోగులు ఏమి చేస్తారు? ప్రత్యేక వరంగల్, ప్రత్యేక అదీలాబాద్ కావాలంటారా? కృష్ణా, గోదావరీ నదుల నీరు ఎన్ని జిల్లాలకి సరిపోతుంది? అస్సలు అక్కడ ప్రాజెక్టులు కట్టడం ఎంత వరకూ నిజంగా సాధ్యం? అస్సలు ముందు ఈ రాజకీయ నాయకుల పొట్టలు నింపడానికి వచ్చే నిధులు సరిపోతాయా? హైదరాబాదులో అన్ని రాష్ట్రాల వారూ ఉన్నారని చెబుతున్న వీరంతా అందరికన్నా ఎక్కువగా ఉన్న సాటి తెలుగువారిని ఎంత హీనంగా చూస్తున్నారు? "మాకు అన్యాయం జరిగింది.... మమ్మల్ని దోచుకుంటున్నారు.... మమ్మల్ని మేమే పరిపాలించుకుంటాం.... మా రాష్ట్రం మాకు ఇవ్వండి....." ఎన్ని సార్లు అలా మాట్లాడుతారు? "తెలంగాణాకి అడ్డమొస్తే అడ్డంగా నఱికేస్తాం" అని నినదిస్తున్న వారు విద్యార్ధులా? అలాగైతే ప్రతీ ఒక్క చిన్న రాష్ట్రాన్నీ ఇచ్చేయాలి. సర్దార్ వల్లభ్ భాయి పటేల్ భారత ప్రభుత్వంలో విలీనం చేసిన సంస్థానాలన్నీ ఒక్కో రాష్ట్రంగా అవతరిస్తాయి. మళ్ళీ ఇంకో సారి మనం పర పాలనకి తెరలు తీద్దాం ! కష్టపడి సాధించుకున్న స్వరాజ్యాన్ని మళ్ళీ పరతంత్ర్యంగా మార్చేద్దాం. ఒకడి క్రింద బతకలేమని చెప్పి - మనలో మనమే కుమ్ముకొని వేరే వాడికి భారత దేశాన్ని సమర్పిద్దాం ! అమ్మా తెలుగు తల్లీ, నిన్ను దయ్యం అనేవారి నాలుకల్లో పలికే ఒక్కో తెలుగు మాటా సరైనదిలా వచ్చేలా చూడు తల్లీ! తెలుగు జాతికి సద్బుధ్ధి ప్రసాదించు - మాలో మాకు తగవులు పెడుతున్న వారిని గుర్తించి మమ్మల్ని ఒక్కటిగా ఉండేలా దీవించు తల్లీ! మూర్ఖులకి తెలివి నిచ్చి జాతి సమైక్యత ని విఛ్ఛిన్నం కాకుండా చూడు తల్లీ! నాకు తెలుసు - మళ్ళీ తెలంగాణా వాదులు చాలా పిచ్చి మాటలు రాస్తారని.... కానీ వారందరికీ ఒకటే విన్నపం. ఈ రాష్ట్రం అందరిదీ. అలాగే హైదరాబాదు నా రాష్త్ర రాజధాని కనుక నాది అనే హక్కు ప్రతీ ఒక్క తెలుగు వ్యక్తికీ ఉన్నది. నేను ముందు తెలుగు వాడిని, నా రాష్త్రం తెలుగు వారికి ప్రతీక కనుక నా రాష్త్రం విడిపోకూడదు అని ఆశించడం ప్రతీ ఒక్కరి హక్కూ, బాధ్యత కూడా. ఇప్పుడు జరిగిన అందోళనల వల్ల కలిగిన నష్టాన్ని ఉపయోగించి మన రాష్త్రంలో చాలా వెనుక బడి ఉన్న ప్రాంతాలని అభివృధ్ధి చేయగలిగే వారం. ఎదుటివారిని తిట్టడం సంస్కారం కాదు - చేతనైతే ఎదుటివారివద్దనుంచీ మంచి విషయాలను నేర్చుకోండి. కష్టపడకుండా ఎవ్వరూ ఏమీ సాధించలేరు. ఏ ప్రాంతం వారైనా కష్టపడగలిగే వారు తప్పక పైకి వస్తారు. మనది అనే మాటకి ఉన్న బలం నాది అనే మాటకి లేనే లేదు. ఐకమత్యంగా ఉంటే మన రాష్ట్రానికి ఎక్కువ నిధులు ఇవాల్సి వస్తుందని - కొందరు పన్నిన ఎత్తుగడ ఫలించి, వేర్పాటువాదం ఎక్కువ అయ్యింది..... హైదరాబాదుకి రావలసిన ప్రాజెక్టులన్నీ చెన్నయ్ కీ, బెంగుళూరుకీ తరలిపోతున్నాయి. మన చేతులతో మనమే మన భవిష్యత్తు పాడు చేసుకుంటున్నాము.... అది గుర్తించండి. ఎదుటివారికి అవకాశాలు వస్తున్నాయని వాపోకుండా వారిలా మీరూ కష్టపడండి. మన చేతకాని తనాన్ని ఎదుటి వాడి దోపిడీ అనకండి -- హైదరాబాదు శివారు గ్రామాల్లో ఎకరాలకి ఎకరాలు కోట్లు కుమ్మరించి కొన్న వారిలో ఎక్కువ శాతం తెలంగాణేతరులే ! కష్టపడి పని చేయాలనుకునే ఎవ్వరూ మన అభివృధ్ధిని అపలేరు. ఇప్పుడున్న పోటీ వాతావరణంలో అదే ముఖ్యం. కానీ చదువులు మానేసి, రోడ్ల మీదికి ఎక్కితే అది వారికే నష్టం. ఈ సంగతి ఉద్యమాలు చేస్తున్న విద్యార్ధులందరూ అర్ధం చేసుకోవాలి.

తెలంగాణా విషయం పైనే ఎందుకు అత్యుత్సాహం ?

మీడియా తెలంగాణా విషయం పైనే ఎందుకు అత్యుత్సాహం చూపుతోంది? ప్రతీ ఛానల్ కేసీయార్ ప్రసంగాలనో లేక తెలంగాణా పై జరిగే సమావేశాల్నో ప్రత్యక్షంగా గంటలు గంటలు చూపిస్తున్నారు. మరి అదే విధమైన కవరేజ్ సమైక్యాంధ్ర నినాదానికి ఇవ్వడంలేదే? ఈ రోజు మధ్యాహ్నం 12 నుంచీ ప్రతీ ఛానెల్ లో కళింగ భవన్ లో జరిగే సమావేశాన్ని చూపించి హోరెత్తిస్తున్నారు. అది అంత అవసరమా? ఓ పక్క గొడవలు, ఉద్వెగం ఎక్కువ అవుతుంటే, జనాల్ని ఇంకా రెచ్చగొట్టడానికి తప్పిస్తే ఇవన్నీ దేనికి? మరో విషయం నాకు అర్ధం కావడం లేదు. లగడపాటి హైదరాబాదు వస్తే గొడవలు అవుతాయి అన్నారు. మరి ఇలాటి సమావేశాలకి అనుమతి ఇస్తే గొడవలు కావా? ఈ రాష్ట్ర ప్రభుత్వానికి నేరుగా కేంద్రం నుంచీ తెలంగాణా కి సపోర్టు చెయ్యమని ఆదేశాలు అందినట్లు స్పష్టం గా తెలుస్తూనే ఉంది. రాష్ట్రం విడిపోవాలని కుట్ర జరుగుతోంది మొర్రో అని ఎందరు మొత్తుకుంటున్నా, ఒక్కరికి కూడా చీమ కుత్తినట్టు లేదు. ఈ దేశ భద్రత, సమగ్రత ఈ తెలంగాణా వాదులకి పట్టదు. బాగా అభివృధ్ధి చేసి హైదరాబాదు వీరి చేతిలో పెట్టి సీమా, ఆంధ్ర వారు వెళ్ళిపొతే, వీరి పొలాలు కోట్లు పెట్టి కొనే వారెవ్వరు? పరిశ్రమలు పెట్టేవారెవ్వరు? హైదరాబాదులో ఆంధ్రవాళ్ళు పరిశ్రమలు పెట్టారు - వారిది దోపిడీ అని అంటున్నారు కదా, మరి చాలా మంది డబ్బున్న తెలంగాణా వాదులు పరిశ్రమలు పెట్టవచ్చు కదా? ప్రతీ ఒక్కరికీ భారతదేశంలో ఎక్కడైనా ఉండే హక్కు ఉంది. కానీ మన ఖర్మ చూడండి. మన రాష్ట్రంలోనే సాటి తెలుగు వాడు మరో తెలుగువాడిని దోపిడీదారు అంటున్నాడు. అలా ఒక్క తమిళుడు మరో తమిళుని అంటాడా? ఒక గుజరాత్ వాడు మరో గుజరాతీని అంటాడా? ఏ భాషవారికీ, జాతి వారికీ లేని మాయరోగం - మనకే ఉంది. అదే అనైక్యత. అయ్యా, సమైక్య వాదులూ, విడిపోతామనే వీరికి బుధ్ధి చెప్పాలనుకుంటే, చెవిటి వాని ముందు శంఖమూదినట్లే. నా జన్మలో ఇలాటి రోజును చూడవలసి వస్తోందని కలలో కూడా అనుకోలేదు. తెలుగు వారంతా ఒకటే అని ఈ గొడవలు జరిగేవరకూ నాకు నమ్మకం ఉండేది. కానీ ఈ గొడవల వల్ల ఎంత మానసిక వేదన, సామాన్య ప్రజలకి ఎంత ఇబ్బంది? రోజు గడవడానికి కూలి పని చేసుకునే వాడు తెలంగాణా వస్తే మహారాజు అయిపోతాడా? తెలంగాణా యాసలో పాటలు పాడడం కాదండీ.... ముందు సాటి తెలుగు వాడిని గౌరవించడం నేర్చుకోండి. తెలంగాణాలో పుట్టి పెరిగిన ఎంతో మందికి తెలంగాణేతర మూలాలు ఉన్నాయి. అయినంత మాత్రాన వాళ్ళకి హైదరాబాదు మీద, తెలంగాణా మీద హక్కు లేదనడం హాస్యాస్పదం. తెలుగు వారిని విడగొట్టే వారికి బుధ్ధి చెప్పాలే గానీ మనమే సహకరిస్తే ఎలా? మీరు తెలుగు వారు కాకుంటే ఇక తెలుగు లిపి వాడడం మానేయండి - అది ఆంధ్ర భాష. మానేస్తారా?

హైదరాబాదు గురించి మాట్లాడితే నాలుక తెగ్గోస్తా - కేసీయార్!

హైదరాబాదు గురించి మాట్లాడితే నాలుక తెగ్గోస్తా - కేసీయార్ హైదరాబాదు గురించి మాట్లాడితే నాలుక తెగ్గోస్తా - కేసీయార్ హైదరాబాదు గురించి మాట్లాడితే నాలుక తెగ్గోస్తా - కేసీయార్ హైదరాబాదు గురించి మాట్లాడితే నాలుక తెగ్గోస్తా - కేసీయార్ హైదరాబాదు గురించి మాట్లాడితే నాలుక తెగ్గోస్తా - కేసీయార్ ఎంతమాటన్నవు ? నీలెక్క రాష్ట్రం మొత్తం అనుకుంటే నీ నాల్క ఎన్ని ముక్కలు గావాలె? నీ స్వత ఆస్థిలెక్క ప్రజల నడుమ చిచ్చు వెడుతున్నవు... నీ నోట్ల మన్నువడ ... నీ ఇంట్ల పీనిగెల్ల... నీ మొకం మీద దుమ్మువడ .. చీ! నీదీ ఒక బతుకేనా? తెలుగు ప్రజలను ఇంకెన్ని దినాలు మోసం జేస్తవ్? మొన్న ఎన్నికల్లల్ల సావుతప్పి కన్ను లొట్ట వోయి గెల్సినవ్... అంత గనం జనాలు నీ ఎంక ఉంటె నీకు గంత తక్కువ సీట్లు ఎందుకు వచ్చినయ్ చెప్పరాదు? రెండు ముక్కలు తెలంగాన యాసల మాట్లాడితె తెలంగాన వాడివి అయిపోవు.... నీలెక్క మాకు గూడ తెలంగాన బాసా వచ్చు ... యాసా వచ్చు.... నీవు గూడా ఏడికెల్లో అచ్చినోనివే గాని... ఈ దినం తెలంగానలనే పుట్టినట్లు మాట్లాడుతున్నవు. అరె పో... నీ మొకం జూస్తెనే పాపం... నీవు సస్తెగానీ ఈ రాష్ట్రానికి పట్టిన పీడ వదలదు.... నీకు హైదరాబాదు గావాల్నంటే మల్ల మొన్న గ్రేటర్ హైదరాబాదు ఎన్నికలల్ల పోటీ ఎందుకు చెయ్యలేదు కొడుకా? నీకు ప్రజల ముందుకు వచ్చె దమ్ము లేదు గాని దొంగతనంగా దీక్ష లోపట ఇడ్లీలు తినుడు ఎరికెనా? నీ దొంగ మాటలతో అన్ని సాల్రు మోసం చెయ్యలేవు.... నీ పాపం పండే దినం దగ్గరకొచ్చి, నీవు అంతగనం వదురుతున్నవు. తెలంగాన మీద అంత ప్రేముంటే, నీతాన ఉన్న నల్ల డబ్బంత బయటికి తీ బిడ్డ... చేతనైతే 4 పరిశ్రమలు వెట్టు...... అందరితాన తెలంగాన పేరు జెప్పి పైసలు దొబ్బినవు గద..... అయన్నీ నీ బొందల వెట్టుకుంటవా..... ఇంతకన్న నాయకులే లేరా? నీవు సిగ్గున్న మొగోనివీ అయితే సోనియమ్మ బజన చేసుడు మాని - హైదరాబాదుల పోటీ జెయ్యి.......! గప్పుడు హైదరాబాదు గురించి మాట్లాడు!

విభజన

ఈ విభజన దేశాన్నొక చింపిన విస్తరి చేస్తే భవితవ్యం మరో సారి పరపాలన తెస్తే ఈ నాటి యీ విభజన వీరులదే బాధ్యత యే నాటికి యెట్లున్నదొ దేశమాత తలరాత. అంటూ తన బాధను వెలిబుచ్చారు మా గురువుగారు శ్యామలరావు గారు.అందరూ అలోచించాల్సిన విషయం కదూ....!!