తెలంగాణా విషయం పైనే ఎందుకు అత్యుత్సాహం ?

మీడియా తెలంగాణా విషయం పైనే ఎందుకు అత్యుత్సాహం చూపుతోంది? ప్రతీ ఛానల్ కేసీయార్ ప్రసంగాలనో లేక తెలంగాణా పై జరిగే సమావేశాల్నో ప్రత్యక్షంగా గంటలు గంటలు చూపిస్తున్నారు. మరి అదే విధమైన కవరేజ్ సమైక్యాంధ్ర నినాదానికి ఇవ్వడంలేదే? ఈ రోజు మధ్యాహ్నం 12 నుంచీ ప్రతీ ఛానెల్ లో కళింగ భవన్ లో జరిగే సమావేశాన్ని చూపించి హోరెత్తిస్తున్నారు. అది అంత అవసరమా? ఓ పక్క గొడవలు, ఉద్వెగం ఎక్కువ అవుతుంటే, జనాల్ని ఇంకా రెచ్చగొట్టడానికి తప్పిస్తే ఇవన్నీ దేనికి? మరో విషయం నాకు అర్ధం కావడం లేదు. లగడపాటి హైదరాబాదు వస్తే గొడవలు అవుతాయి అన్నారు. మరి ఇలాటి సమావేశాలకి అనుమతి ఇస్తే గొడవలు కావా? ఈ రాష్ట్ర ప్రభుత్వానికి నేరుగా కేంద్రం నుంచీ తెలంగాణా కి సపోర్టు చెయ్యమని ఆదేశాలు అందినట్లు స్పష్టం గా తెలుస్తూనే ఉంది. రాష్ట్రం విడిపోవాలని కుట్ర జరుగుతోంది మొర్రో అని ఎందరు మొత్తుకుంటున్నా, ఒక్కరికి కూడా చీమ కుత్తినట్టు లేదు. ఈ దేశ భద్రత, సమగ్రత ఈ తెలంగాణా వాదులకి పట్టదు. బాగా అభివృధ్ధి చేసి హైదరాబాదు వీరి చేతిలో పెట్టి సీమా, ఆంధ్ర వారు వెళ్ళిపొతే, వీరి పొలాలు కోట్లు పెట్టి కొనే వారెవ్వరు? పరిశ్రమలు పెట్టేవారెవ్వరు? హైదరాబాదులో ఆంధ్రవాళ్ళు పరిశ్రమలు పెట్టారు - వారిది దోపిడీ అని అంటున్నారు కదా, మరి చాలా మంది డబ్బున్న తెలంగాణా వాదులు పరిశ్రమలు పెట్టవచ్చు కదా? ప్రతీ ఒక్కరికీ భారతదేశంలో ఎక్కడైనా ఉండే హక్కు ఉంది. కానీ మన ఖర్మ చూడండి. మన రాష్ట్రంలోనే సాటి తెలుగు వాడు మరో తెలుగువాడిని దోపిడీదారు అంటున్నాడు. అలా ఒక్క తమిళుడు మరో తమిళుని అంటాడా? ఒక గుజరాత్ వాడు మరో గుజరాతీని అంటాడా? ఏ భాషవారికీ, జాతి వారికీ లేని మాయరోగం - మనకే ఉంది. అదే అనైక్యత. అయ్యా, సమైక్య వాదులూ, విడిపోతామనే వీరికి బుధ్ధి చెప్పాలనుకుంటే, చెవిటి వాని ముందు శంఖమూదినట్లే. నా జన్మలో ఇలాటి రోజును చూడవలసి వస్తోందని కలలో కూడా అనుకోలేదు. తెలుగు వారంతా ఒకటే అని ఈ గొడవలు జరిగేవరకూ నాకు నమ్మకం ఉండేది. కానీ ఈ గొడవల వల్ల ఎంత మానసిక వేదన, సామాన్య ప్రజలకి ఎంత ఇబ్బంది? రోజు గడవడానికి కూలి పని చేసుకునే వాడు తెలంగాణా వస్తే మహారాజు అయిపోతాడా? తెలంగాణా యాసలో పాటలు పాడడం కాదండీ.... ముందు సాటి తెలుగు వాడిని గౌరవించడం నేర్చుకోండి. తెలంగాణాలో పుట్టి పెరిగిన ఎంతో మందికి తెలంగాణేతర మూలాలు ఉన్నాయి. అయినంత మాత్రాన వాళ్ళకి హైదరాబాదు మీద, తెలంగాణా మీద హక్కు లేదనడం హాస్యాస్పదం. తెలుగు వారిని విడగొట్టే వారికి బుధ్ధి చెప్పాలే గానీ మనమే సహకరిస్తే ఎలా? మీరు తెలుగు వారు కాకుంటే ఇక తెలుగు లిపి వాడడం మానేయండి - అది ఆంధ్ర భాష. మానేస్తారా?

హైదరాబాదు గురించి మాట్లాడితే నాలుక తెగ్గోస్తా - కేసీయార్!

హైదరాబాదు గురించి మాట్లాడితే నాలుక తెగ్గోస్తా - కేసీయార్ హైదరాబాదు గురించి మాట్లాడితే నాలుక తెగ్గోస్తా - కేసీయార్ హైదరాబాదు గురించి మాట్లాడితే నాలుక తెగ్గోస్తా - కేసీయార్ హైదరాబాదు గురించి మాట్లాడితే నాలుక తెగ్గోస్తా - కేసీయార్ హైదరాబాదు గురించి మాట్లాడితే నాలుక తెగ్గోస్తా - కేసీయార్ ఎంతమాటన్నవు ? నీలెక్క రాష్ట్రం మొత్తం అనుకుంటే నీ నాల్క ఎన్ని ముక్కలు గావాలె? నీ స్వత ఆస్థిలెక్క ప్రజల నడుమ చిచ్చు వెడుతున్నవు... నీ నోట్ల మన్నువడ ... నీ ఇంట్ల పీనిగెల్ల... నీ మొకం మీద దుమ్మువడ .. చీ! నీదీ ఒక బతుకేనా? తెలుగు ప్రజలను ఇంకెన్ని దినాలు మోసం జేస్తవ్? మొన్న ఎన్నికల్లల్ల సావుతప్పి కన్ను లొట్ట వోయి గెల్సినవ్... అంత గనం జనాలు నీ ఎంక ఉంటె నీకు గంత తక్కువ సీట్లు ఎందుకు వచ్చినయ్ చెప్పరాదు? రెండు ముక్కలు తెలంగాన యాసల మాట్లాడితె తెలంగాన వాడివి అయిపోవు.... నీలెక్క మాకు గూడ తెలంగాన బాసా వచ్చు ... యాసా వచ్చు.... నీవు గూడా ఏడికెల్లో అచ్చినోనివే గాని... ఈ దినం తెలంగానలనే పుట్టినట్లు మాట్లాడుతున్నవు. అరె పో... నీ మొకం జూస్తెనే పాపం... నీవు సస్తెగానీ ఈ రాష్ట్రానికి పట్టిన పీడ వదలదు.... నీకు హైదరాబాదు గావాల్నంటే మల్ల మొన్న గ్రేటర్ హైదరాబాదు ఎన్నికలల్ల పోటీ ఎందుకు చెయ్యలేదు కొడుకా? నీకు ప్రజల ముందుకు వచ్చె దమ్ము లేదు గాని దొంగతనంగా దీక్ష లోపట ఇడ్లీలు తినుడు ఎరికెనా? నీ దొంగ మాటలతో అన్ని సాల్రు మోసం చెయ్యలేవు.... నీ పాపం పండే దినం దగ్గరకొచ్చి, నీవు అంతగనం వదురుతున్నవు. తెలంగాన మీద అంత ప్రేముంటే, నీతాన ఉన్న నల్ల డబ్బంత బయటికి తీ బిడ్డ... చేతనైతే 4 పరిశ్రమలు వెట్టు...... అందరితాన తెలంగాన పేరు జెప్పి పైసలు దొబ్బినవు గద..... అయన్నీ నీ బొందల వెట్టుకుంటవా..... ఇంతకన్న నాయకులే లేరా? నీవు సిగ్గున్న మొగోనివీ అయితే సోనియమ్మ బజన చేసుడు మాని - హైదరాబాదుల పోటీ జెయ్యి.......! గప్పుడు హైదరాబాదు గురించి మాట్లాడు!

విభజన

ఈ విభజన దేశాన్నొక చింపిన విస్తరి చేస్తే భవితవ్యం మరో సారి పరపాలన తెస్తే ఈ నాటి యీ విభజన వీరులదే బాధ్యత యే నాటికి యెట్లున్నదొ దేశమాత తలరాత. అంటూ తన బాధను వెలిబుచ్చారు మా గురువుగారు శ్యామలరావు గారు.అందరూ అలోచించాల్సిన విషయం కదూ....!!

నిత్య వేదన

అస్థిత్వానికి అర్ధం వెతకాలని ప్రయత్నిస్తే,

నీకా అర్హత లేదంటూ ఒక హేళన ముల్లులా గుచ్చుతుంది.

వ్యక్తిత్వాన్ని నిలబెట్టుకోవాలని ప్రయత్నిస్తే,

నీవో వ్యక్తివా అంటూ ఒక ఎగతాళి బాణమై గాయపరుస్తుంది.

సాధించిన విజయాల గురించి చెప్పాలని ప్రయత్నిస్తే,

నీ మొహానికి అదొకటే తక్కువంటూ ఒక ఎద్దెవా గుండె చీలుస్తుంది.

సంసారంలో బాధ్యతలు పంచుకొమ్మని అభ్యర్ధిస్తే,

రచ్చ గెలుస్తూన్నా, ఇంట ఎన్నటికీ గెలవలేవని ఒక ఈసడింపు గుర్తుచేస్తుంది.

ఎవరిపైనా ఆధారపడక, ఆత్మ విశ్వాసం ప్రదర్శిస్తే,

ఎంతైనా ఆడదానివే కదా అంటూ ఒక అవమానం నిలువునా చంపేస్తుంది.