నా మొదటి పద్యం

సీ. అచ్చ తెనుగు వారు అచ్చెరువొందగ

సంస్కృత ప్రౌఢి తో చెలిమి జేసి,

పాఠకోత్తముల సుఖ భావనలలరింప

కావ్య కన్యక నలంకృతము జేసి,

కవి చంద్రులెల్లరు కలసి పొగడునట్లు

గాధల కందము గలుగ జేసి,

వేద పండితులకు వేద మర్మము జెప్ప

సూక్తుల సంధించె శరము జేసి

తే.గీ. ఆంధ్ర భాషకొక రూపు కల్గంగ జేసి,

భారతార్ధము మిగుల పెంపొంద జేసి,

నన్నయార్యుడు భారత కధ రచియించి

తెలుగు జనుల చరిత కృతార్ధంబొనర్చె