మా కాలనీ వెంకటేశ్వర స్వామి కోవెలలో బ్రహ్మోత్సవాలు జరుగుతున్నాయి. స్వామిని చూసి మది పులకించి - ఇలా పొంగి పొరలింది
చేరి కొలువరో ఈతడు గోవిందుడు
చేడెలతో కూడి నేడె గోవిందుడు
చేకొని మము కాపాడే గోవిందుడు
చేపట్టెను అతివలను గోవిందుడు
ఇందిరా వనిత మగడు గోవిందుడు
ఇందరికీ అభయమిచ్చు గోవిందుడు
ఇంతింతై పెరిగిన వామన గోవిందుడు
ఇందునందు ఎందు చూడ గోవిందుడు
మాపాలి దైవశిఖామణి గోవిందుడు
మాపాపములు హరించు గోవిందుడు
మాపుల రేపుల వెలిగే గోవిందుడు
మాపిల్లల నవ్వులలో గోవిందుడు
విరిబోణుల నడుమ శ్రీ గోవిందుడు
విరివిగా కరుణ పంచు గోవిందుడు
విరిబాణుని తండ్రి ఈ గోవిందుడు
విరిపూజలందే వేంకటేశ గోవిందుడు
No comments:
Post a Comment